Fjærland sogelag
Bonde, breførar og sogemann Anders J. Bøyum sto i spissen for å oppretta Fjærland sogelag, og var leiar i mange år. Sogelaget tek vare på det kollektive minnet til bygda på mange måtar, både ved å ta vare på gamal reiskap og utstyr, ved å arrangere lokalhistoriske turar og utflukter for innbyggjarane i Fjærland, ved å laga og vedlikehalda ulike utstillingar og ikkje minst ved å gje ut årsheftet Dar breadn kalva. Heftet er fullt av lokalhistoriske artiklar av mangfelt slag, ispedd bilete og postkort frå gamal og nyare tid, konkurransar og intervju. Heftet kjem ut før jul kvart år og er kjærkomen julelesnad for både fastbuande og tilreisande. Mange av dei med band til Fjærland tingar heftet årvisst.
Kategori: Lag og organisasjonar